اساں ہور بھلا رب توں کی لینا جے چناں سانوں توں مل جائیں

تینوں گل دا بنا کے رکھاں گہنا جے چناں سانوں توں مل جائیں

دل وچ تیرا پیار وسا کے  ویکھی جانا کول بٹھا کے

تیری زلفاں دی چھاویں ہو کے بہنا جے چناں سانوں توں مل جائیں

سجناں پیار تیرے نال کرنا دنیا کولوں مول نہ ڈرنا

پیندا رہوے جے زمانے ویر پینا جے چناں سانوں توں مل جائیں

ہر دم تیریاں لوڑاں مینوں اکھیاں نے بس چن لیا تینوں

تیری مننی اساں نہیں کجھ کہنا جے چناں سانوں توں مل جائیں

تیرے باہج نہ سجدے ویڑے وس  اکھیاں دے نیڑے نیڑے

دل کہندا تیتھوں دور نئیوں رہنا جے چناں سانوں توں مل جائیں

رب کرے جے کول توں آویں آجاویں تے مڑ نہ جاویں

جوگی کہوے نہ وچھوڑا کدی سہنا جے چناں سانوں توں مل جائیں

گردشوں کے ہیں مارے ہوئے نہ دشمنوں کے ستائے ہوئے ہیں

 جتنے بھی زخم ہیں میرے دل پر دوستوں کے لگائے ہوئے ہیں

جب سے دیکھا ترا قد و قامت دل پہ ٹوٹی ہوئی ہے قیامت

ہر بلا سے رہے تو سلامت دن جوانی کے آئے ہوئے ہیں

 اور دے مجھ کو دے اور ساقی ہوش رہتا ہے تھوڑا سا باقی

آج تلخی بھی ہے انتہا کی آج وہ بھی پرائے ہوئے ہیں

 کل تھے آباد پہلو میں میرے اب ہیں غیروں کی محفل میں ڈیرے

 میری محفل میں کر کے اندھیرے اپنی محفل سجائے ہوئے ہیں

اپنے ہاتھوں سے خنجر چلا کر کتنا معصوم چہرہ بنا کر

اپنے کاندھوں پہ اب میرے قاتل میری میت اٹھائے ہوئے ہیں

مہ وشوں کو وفا سے کیا مطلب ان بتوں کو خدا سے کیا مطلب

 ان کی معصوم نظروں نے ناصرؔ لوگ پاگل بنائے ہوئے ہیں

روتی چھوڑ کے برہن کو کس سوتن کے دوار گئے

تکتے تکتے راہ تہاری نین ہمارے ہار گئے

ڈوب گیا ہر ایک کنار طوفانی  اندھیاروں میں

بیچ بھنور میں چھوڑ کے نیا تم کت کھیون ہار گئے

من سے من کا سودا کر کے جیون کا سکھ چھین لیا

تم جھوٹے سودا گر نکلے جھوٹا کر بیوپار گئے

پلکوں پر جل دیپ جلا کر نین بچھے ہیں راہوں میں

آجاؤ پردیسی بالم تم جیتے ہم ہار گئے

مانگ مری سندور کو ترسے نیناں ترسیں کاجل کو

روٹھ کے مجھ سے سنگ تہارے سارے ہار سنگار گئے

ساحل سے ٹکرا ٹکرا کر نیا اپنی ڈوب گئی

منزل پا کر منزل کھوئی جیت کے بازی ہار گئے

نین ملائے تھے تو رکھتے لاج بھی نین ملانے کی

نین چرا کر کیوں برہن کے تیر کلیجے مار گئے

نیناں جادو ڈار کے کس کے روپ نے تم کو بھرمایا

کس بیرن کے بس میں آئے کس سوتن کے دوار گئے