سانوں اک پل چین نہآوے سجناں تیرے بنا
ساڈا کلایاں جی نئیوں
لگڑاں، سجڑاں تیرے بنا
کسےد ا یار نہ پردیس
جاوے
وچھوڑا نہ کسے دے پیش
آوے
راتیں میں جلاواں دیوا،
ہنجواں دے تیل دا
ہائے او ربا سجناں
نوں، چھیتی کیوں نئیں میل دا
روگ، وجوگ تے سوگ
ہزاراں، سجڑاں تیرے ناں دے
اوہناں بھانڑیں روز قیامت،
وِچھڑے یار جِنہاں دے
او کاگا تینوں چوریاںپاواں، کدی ساڈے وی بیٹھ بنیرے
دے پیغام کوئی سجڑاں
والا، وے میں شگن مناواں تیرے
آ کے بیٹھ بنیرے
ساڈے، شید آ جن ساجن میرے
اڈیاں چک چک یار فریداؔ
راہ تکاں میں شام سویرے
دل ویچ کے سوہنے دلبر
نوں دلدار دی پوجا کرنی اے
توں سانبھ مسیتاں اے
ملاں اساں یار دی پوجا کرنی اے
اساں نیتی عشق دی
نیتی اے کی کرناں صوم صلاتاں نوں
دلدار ہی ساڈا مذہب
ہے دلدار دی پوجا کرنی اے
توں صوفی ایں میں عاشق ہاں تیرے نال محبت نہیں نبھنی
توں سجدا کردا کعبے
نوں اسیں یار دی پوجا کرنی اے
یا شکل ہوئے بت خانے
دی یا بھیس وٹاون کعبے دا
سرکار ملن جس صورت وچ
سرکار دی پوجا کرنی اے
جد کافر عشق اچ ہو
بیٹھے تسبیح تے مصلہ کی کرنا
اساں پیار بتاں نل
پایا اے اساں پیار دی پوجا کرنی اے
جاواں صدقے مدینے دے
سلطان توں دو جہاں جس دی خاطر بنائے گئے
کملی والے دے آون
توں قربان میں بے کساں دے نصیبے جگائے گئے
دَر دے دربان جبریل ورگے کھڑے گونھے پتھراں نے
وی اوہدے کلمے پڑھے
اُوہدی مرضی جے ہووے
تے دِن نہ چڑھے شہنشاہ اوہدے دَر تے جھکائے گئے
گلاں دساں کی حج دے مہینے
دیا ں منگاں خیرا ں نبیﷺ دے سفینے دیاں
وسدیاں رہن گلیاں
مدینے دیاں جتھے مینہ رحمتاں دے وسائے گئے
انبیاء ایس دُنیا تے
آئے کئی نہ کسے نوں ملی شاہی اُوہدے جہی
رات معراج دی ویکھو جس دے لئی عرش دے سارے رستے
سجائے گئے
سیر سارے زمانے دی
کردے رہے سارے جلوے ایہ رحمتاں دے کدھرے
نہ ملے
ریس اوہنا دی کہڑا
ظہوری کرے بختاں والے مدینے بلائے گئے
اسرار خدا تصویر نبی
سخیاں دا سخی ولیاں دا ولی
حق علی علی دم علی علی
علی وارث محمد دے چمن دا
علی تارہ نبی دی انجمن دا
علی اوہ گل ہے صائم جس تھیں ہویا
گلدستہ مکمل پنج تن دا
حق علی علی دم علی علی
اوہ حسن کرم اوہ شان کرم
اوہ جان نبی اور جان کرم
مولا سب دا مومن دا حرم
کعبے دا حرم مولا دی گلی
حق علی علی دم علی علی
اوہ فاتح ہے ساریاں جنگاں دا
اوہ واقف رب دیاں رنگاں دا
ایہو نعرہ مست ملنگا دا
ہر کوچے کوچے ہر گلی گلی
حق علی علی دم علی علی
ایہہ وارث نبی دے گلشن دا
ایہہ چانن ہر اک چانن دا
ایہہ پنجواں گل ہے پنج تن دا
ایہدی مہک مہکے گلی گلی
حق علی علی دم علی علی
اوہنوں ولیاں رب دی شان کیہا
اوہنو ں نبی نے اپنی جان کیہا
اوہنوں الا ما قرآن کیہا
اوہ حیدر صفدر شیر علی
پھلاں وچ ہسدا علی علی
راہ حق دی دسدا علی علی
میرے دل وچ وسدا علی علی
میری ہو گئی صائم بھلی بھلی
